طريقه كيف ترفع ضغط المشرفين >>> ممنوع دخول المشرفين رجائاااا!!!

الى كل المشرفين أرجو سعة الصدر من الموضوع

احم احم احم



تدرون يا اعضاء ياحلوين كيف ترفعون ضغط المشرفين ؟ اتبعوا الآتي
عزيزي العضـو المشاكس اللي وده يرفــع ضغــط المشرفيــن... يتبـع التعليمــات التاليــه وسيجـد نفســه مطــرود مع جزمة حضرمية ما غيره من 2000 سنه

ماعليك الا انك تنظف اذانك وتركز معي زين .. وانا اظمن لك كل شي مع قطع الغيار ,,

وكــل شي موضـح بالأمثــله لتسهيــل استخـدامهــا:

<< نحــن في خــدمــة الشعـــب


أدخــل اي منتدى واكتب أي موضــوع ماله دخــل في هالمنتدى >> الموضوع في وادي والمنتدى في وادي,,

مثال >> اكتب موضوع رياضي في المنتدى الخواطر

ويفضــل لو تكتـب عليه (( ارجــوا التثبيـت )) يكون لها طعم احسن

-------------------

2) خـذ لك موضـوع توه جـديد من أي منتدى >>> انسخـه واكتبـه بإسمك مره ثانيه في نفس المنتدى ,,

ويفضــل تكتب عليـه ((( فكــره جديــده )))

<< هينا المشــرف بيدوخ.... مايدري وين المكـرر عشــان يحــذفه >>

-------------------

3) لا تشارك في أي منتدى ولا ترد على أحد .. وبعدين أطلب من الإدارة تحطك عضو فعال وكل يوم أرسل تظلّم إذا ماعطوك وجه ؟؟

<< صدقني اذا ماقالوا لك اقلب وجهك ... اضمن لك بيرقونك إلى (عضـو رزّه) >>

-------------------

4) اكتب موضوع في منتدى الشكـاوي والإقتراحــات (( إلحقوني ياشباب )) >> طبعـا بيجيك المشرف طاير

واكتب في الموضوع (( واحــد صفــر )) و قبالها صـوره واحــد يضحــك ,,



-------------------

5) شكّك في أي موضوع يـطرح في المنتدى .. في كل موضوع قل (( كأني شايفه في منتدى ثاني))

<< خلي العالم تــفهم أنه مسروق>>

-------------------

6) ادخل على أي موضوع مثبت ... وأكتب عليه للرفع,,

<< في هـذي احسن لك تطلع بالدسّة و تحافظ على كرامتك قبل مايقطعونك>>

-------------------

7) حاول ترد على المواضيع القدييييييمه >> طلع الغبار >>

والجديده خلها تنزل ,,

<< كذا تقلب القسم حقه فوق تحت >>

------------------

شوف لك مشرف أو مشرفه وتلزق فيه.........كل يوم إرسله رسائل خاصه تقـول له

اشرايك في ذاك الموضــوع ... احـس انه مو حلو احذفه الله يخليك ,, ولا ذاك الموضـوع رهيـب ثبته الله يخليك,,

<< هينا المشـرف يكره اليوم اللي خلـوه فيه مشــرف

-----------------

9) دقق في إملاءات المشرفين... ورد عليهم فقط لتصحيح الإملاء ولا تجيب طاري الموضوع,,, >> هذي أحــس قوووووووويه شوي

-----------------

وعندما تصـل حالة تهـورك إلى درجــة الغليــان فما عليك سوى :

10) عند تعيين أي مشرف جـديد ... أبدا بالكلام عن الواسطة وأنه ما يستاهل ولمح أن الإدارة ما عندها سالفة ,,

>> هــذي تغنيــك عن كل الوســائل اللي راحــت ونسبة نجاحها مليون بالمية و مطرود بالجزمة

أرجو من المشرفين أنا يتقبلونها بروح رياضية و بدون زعل
و هالموضوع فقط للتسلية واللي يطبقة ياويله وأنا رافعه ايدي من مسؤليته

هههههههه شكرا لكي تم التثبيت

ومين يقدر يدمر المنتديات غيري

يسلمووو ع التثبييت

عفوا قلبي بس مش بهادة الكلام الحلو ادمريلي منتداي خخخخخ

لا تخافي إلا هذا المنتدى

هههههههههه

له له له ما فيش مشرف مهو في قسم الصور